OPPO RENO 2 SERIES (سعر ومواصفات اوبو رينو 2)

سعر ومواصفات Realme XT  :


شركه Realme الصينيه الحديثه فالسوق المصرى والتابعه لشركه Oppo  كان مؤتمرها كان اول امبارح بتاريخ 21/10/2019 واللى اعلنت فيه عن جهازيين جداد   فالفئه المتوسطه هما ال  Realme 5  و ال   Realme 5 Pro  


بس لحظه شويه هى فاخر المؤتمر نوهت عن وحش  تالت هيتم الاعلان عنه الشهر الجاى وهو ال Realme XT   ....
فاحنا هنتكلم النهارده عن مواصفات الوحش ده وليه يستحق الانتظار ...

Realme XT

سعر ومواصفات Realme XT   ...

        

تفاصيل الموبايل:

- تم الاعلان عن الهاتف من قبل شركه realme الصينيه عن الهاتف فى اكتوبر  ....

ومن المتوقع ان يتم العلان عن نزوله للسوق المصرى فى شهر نوفمبر او بدايه  شهر ديسمبر على الاكثر ...

- الخامات والمقاس والألوان:   

خامات الموبايل: 


الموبايل جاى بتصميم لامع من الزجاج  مغطى بطبقه من ال gorilla glass 5 من الضهر واطار من البلاستيك وده شئ مش متعودين عليه من ريلمى اللى كل موبايلاتها فالسوق المصرى من البلاستيك ..

المقاس :   mm  158.7*75.2*8.6

وزنه :   الموبايل وزنه خفيف نسبيا حوالى  183g . .

الالوان:  الموبايل جاى بلونين جمال جدا هما الابيض والازرق المتدرج فالاخضر .

- الشبكة :

•     يدعم الهاتف جميع شبكات الاتصال 2G,3G,4G.                            
•    يتيح الموبايل استخدام شريحتين نانو وكارت ميمورى حتى 256 GB.

 الشاشة :

الموبايل جاى بشاشه كامله بنوتش صغير على شكل قطره المياه ..

•  شاشه الموبايل  Super AMOLED  محميه بطبقه حمايه Corning Gorilla Glass 5

•       شاشه الموبايل 6.4 انش وتستحوذ على 84.3 % من جسم الموبايل 

• دقه الشاشه 1080 * 2340 بيكسل +FHD وبكثافه بيكسلات 403 بيكسل فالانش 

     وهنا الكثافه دى حلوه اووى على حجم الشاشه المعقول ده ..

- المعالج :-

الموبايل جاى بمعالج  Qualcomm Snapdragon 712 وبدقه تصنيع 10 نانو متر

وده نفس المعالج الموجود فى ال realme 5 pro

المعالج ثمانى النواه..

Octa-core (4x2.0 GHz Kryo 260 Gold & 4x1.8 GHz Kryo 260 Silver)


ومعالج رسوميات Adreno 616 

الموبايل جاى باندرويد 9 وهيتحدث قريب لاندرويد 10 وجاى بواجهه realme  color os 6 .

-الاصدارات:-

الموبايل جاى بتلت اصدارات هما     4RAM , 64GB   و    6RAM , 64 GB  و 8RAM , 128 GB 

بس لسه مش عارفين انهى اصدار اللى هينزل السوق المصرى .

- الكاميرا:   

• الموبايل جاى باربع كاميرات خلفيه 

 
 - الاولى وهى  64MP  بفتحه عدسه 1.8. , وده اول موبايل هينزل السوق المصرى بالسينسور ده .

 - التانيه وهى  8MP  بفتحه عدسه 2.2 للتصوير بزاويه واسعه .

 - الثالثه وهى كاميرا   2MP  لصور العزل .

 - الرابعه وهى كاميرا مايكرو2MP لتصوير الاشياء القريبه .

• الامامية :- 

الموبايل جاى بكاميرا اماميه واحده  :

الكاميرا  16MP  بفتحه عدسه 2.0 تدعم ال HDR وتصوير الفيديوهات بدقه 1080 حتى 30 اطار فالثانيه

     

- البطاريه :- 

ياتى الهاتف ببطاريه ضخمه 4000 مللى امبير  تدعم الشحن السريع بتقنيه ال VOOC 3.0 بقدره 20 واات ...

  

- البصمة :

    الموبايل جاى ببصمه تحت الشاشه سريعه جدا.

- Face unlock :

         يدعم الهاتف  خاصية الفتح باستخدام الوجه 

- وسائل المشاركة :

    يدعم الموبايل جميع انواع ادوات التواصل والمشاركة كما في جميع الاجهزة الحديثة 

       لكن ما يميزة عن غيرة ان جميع هذه الادوات هي من احدث الاصدارات فمثلا 

      -يدعم ال wi fi,hotspot ,dual band
      -يحتوي ويدعم احدث بلوتوث.

- محتويات علبه الجهاز :-    

• الهاتف. 
• شاحن ال VOOC .
• دبوس درج الشرائح.
• جراب سيليكون شفاف.
• كتيب الشرح.
• اسكرينه مثبته مسبقا .كما في موبايل OPPO A9 2020

-السعر:- 

    -  نتوقع سعر النسخة 6RAM-64G هو 4200 جنية مصري.
    - وسعر النسخة 8RAM-128G هو 5390 جنية مصري.وهو دا اللي هينزل مصر

- المميزات : 

• كاميرات الموبايل الخلفية ممتازه وبتيح ليك التصوير بوضعيات مختلفه بسبب الاربع كاميرات .

• كاميرا الموبايل ال 64 ميجا بيكسل قويه جدا وبتطلع صوره جميله جدا.

• اداء الموبايل حلو جدا بسبب المعالج القوى.

• البصمة سريعه الاستجابه.

• الموبايل جاى بفتحه 3.5mm .

• بطاريه الموبايل ال 4000 اللى هتصمد معاك مع الاستخدام الشاق وخصوصا مع الشحن السريع .

• الصوت يدعم تقنيه ال dolby atmos.

• نوع ذاكره الموبايل UFS 2.1 وهى سريعه جدا فقرايه البيانات .

- العيوب :

• مفيش تطوير عن معالج ال realme 5 pro ومع ذلك المعالج مش وحش ابدا .

• لاتوجد لمبه اشعارات .

• اداء كاميرا الوايد انجل مكنش قد المتوقع.

وهنا يكون الفرق بين ال realme xt وال realme 5pro  هو :-

• كاميرا ال XT افضل بشكل ملحوظ عن ال 5Pro .

• الخامات المستحدمه فال XT افضل بمراحل من ال  5pro .

• الصوتيات فال XT افضل بفضل نظام Dolby Atmos.

• طبعا شاشه ال XT  افضل كتير جدا من ال 5Pro لانها سوبر اموليد .

• البصمه فى ال XT تحت الشاشه بينما ال 5Pro الشاشه فضهر الموبايل .

فلو انت شايف ان ال Realme 5 Pro هيلبى ليك احتيجات وهتقدر تستغنى عن الفروقات دى اللى مش موجوده فيه تقدر تتوكل على الله وتشتريه دلوقتى ..

اما لو شايف انك مش هتقدر تستغنى عن الميزات دى تقدر تستنى شهر واحد واكيد فرق السعر مش هيكون كبير اوى ....