OPPO RENO 2 SERIES (سعر ومواصفات اوبو رينو 2)

شركه OPPO بتستعد عشان تطلق الاصدار الجديد من سلسه Reno الجديده بتاعتها واللى حققت نجاح كبير وكان منها Oppo Reno 10X Zoom والشركه اعلنت ان المؤتمر بتاع الاعلان عن موبايلات السلسه دى فمصر هيكون يوم 13 من شهر نوفمبر 

هيتم الاعلان عن oppo reno 2 و oppo reno 2f ....


اتكلمنا قبل كده عن oppo reno 2 وهنتكلم هنا عن oppo reno 2f .

oppo reno 2f

سعر ومواصفات oppo reno 2f   ...

تفاصيل الموبايل:

- تم الاعلان عن الهاتف من قبل شركه oppo فالهند وهيتعلن عنه فمصر يوم 13 نوفمبر ان شاء الله 

ومن المتوقع توافر الهاتف فالاسواق خلال اسبوع من الاعلان الرسمى ....

- الخامات والمقاس والألوان:   

خامات الموبايل: 

oppo reno 2f back

• الموبايل جاى بتصميم لامع من الزجاج .

 * مش معروف اذا كان فى طبقه حمايه للضهر او لا  

• واطار من البلاستيك.

المقاس :   mm  162.4*75.8*8.7

وزنه :   الموبايل وزنه تقيل نسبيا حوالى  195g . .

الالوان:  الموبايل جاى بلونين جمال جدا هما الابيض والاخضر .

- الشبكة :

•     يدعم الهاتف جميع شبكات الاتصال 2G,3G,4G.                            
•    يتيح الموبايل استخدام شريحتين نانو وكارت ميمورى حتى 256 GB.

 الشاشة :

oppo reno 2f

الموبايل جاى بشاشه كامله بدون اى نوتش خالص او اى حاجه تعوق الاستمتاع بالشاشه..

•  شاشه الموبايل   AMOLED  محميه بطبقه حمايه Corning Gorilla Glass 5

•       شاشه الموبايل 6.5 انش وتستحوذ على 85.1 % من جسم الموبايل 

• دقه الشاشه 1080 * 2340 بيكسل +FHD وبكثافه بيكسلات 394 بيكسل فالانش 

    * وهنا الكثافه دى حلوه اووى على حجم الشاشه الكبير ده ..

- المعالج :-

الموبايل جاى بمعالج  Mediatek MT6771V helio p70  وبدقه تصنيع 12 نانو متر
ورغم ان المعالج من شركه ميديا تيك الا ان المعالج ده اثبت جدارته وقدم اداء رائع فى سلسه ال f فموبايل oppo f11 و f11 pro

المعالج ثمانى النواه..

Octa-core (4x2.1 GHz Cortex-A73 & 4x2.0 GHz Cortex-A53)

ومعالج رسوميات Mali-G72  MP3

الموبايل جاى باندرويد 9 وهيتحدث قريب لاندرويد 10 وجاى بواجهه oppo ال color os 6.1 ..

-الاصدارات:-

الموبايل جاى باصدار واحد بس :  8RAM , 128 GB

- الكاميرا:   

• الموبايل جاى باربع كاميرات خلفيه 

 - الاولى وهى  48MP  بفتحه عدسه 1.7 

 - التانيه وهى  8MP  بفتحه عدسه 2.2 للتصوير بزاويه واسعه .

 - الثالثه وهى كاميرا   2MP  لصور العزل .

 - الرابعه وهى كاميرا مايكرو2MP لتصوير الاشياء القريبه .

* الكاميرات بتدعم ال HDR و Dual LED flash.

* وتدعم تصوير الفيديو بجوده 1080 30 اطار فالثانيه ومبتدعمش تصوير ال 4K للاسف .

• الامامية :- 

الموبايل جاى بكاميرا اماميه واحده بموتور نفس اللى شفناها فى mi 9t  :

الكاميرا  16MP  بفتحه عدسه 2.0 تدعم ال HDR وتصوير الفيديوهات بدقه 1080 حتى 30 اطار فالثانيه

 * الكاميرا فيها LED بتنور لما الكاميرا تطلع وتفتح زى mi 9t  بالظبط بس هنا الكاميرا بتنور ب 12 لون مختلف تقدر تتحكم فاللون اللى نت عايزه من الاعدادت .

- البطاريه :- 

ياتى الهاتف ببطاريه ضخمه 4000 مللى امبير  تدعم الشحن السريع بتقنيه ال VOOC 3.0 بقدره 20 واات ...

  

- الصوتيات :

الموبايل جاى بسماعات مونو  تدعم تقنيه Dollby Atmos ..
الموبايل بيدعم فتحه 3.5 مللى .

- البصمة :

    الموبايل جاى ببصمه تحت الشاشه سريعه جدا.

- Face unlock :

         يدعم الهاتف  خاصية الفتح باستخدام الوجه 

- وسائل المشاركة :

    يدعم الموبايل جميع انواع ادوات التواصل والمشاركة كما في جميع الاجهزة الحديثة 

       لكن ما يميزة عن غيرة ان جميع هذه الادوات هي من احدث الاصدارات فمثلا 

      -يدعم ال wi fi,hotspot ,dual band
      -يحتوي ويدعم احدث بلوتوث.

 - محتويات علبه الجهاز :-  

• الهاتف. 
• شاحن ال VOOC .
• كابل الشاحن من نوع Type-c.
• دبوس درج الشرائح.
• جراب سيليكون شفاف.
• كتيب الشرح.
• اسكرينه مثبته مسبقا
• سماعات اذن .

-السعر:- 

طيب الموبايل اتسعر رسميا خلاص بسعر 5990 يعنى 6000 جنيه 

وده سعر غالى برضو يا جماعه خصوصا لو قارنتو ب realme xt اللى ارخص منه  

500 جنيه بس نازل بكاميرا خلفيه اقوى والكاميرا الاماميه جايه فى نوتش مش شاشه 

كامله زى ال oppo 2f بس الريلمى بيقدم معالج اقوى وافضل ... 



يعنى الموبايل هيكون هو البديل الفعلى لسلسه ال F اللى OPPO اعلنت انها هتوقف تصنيعها .
وكمان الموبايل يعتبر تطوير حلو جدا ل Oppo F11 Pro ..

- المميزات : 

• كاميرات الموبايل الخلفية ممتازه وبتيح ليك التصوير بوضعيات مختلفه بسسب الاربع كاميرات .

• كاميرا الموبايل ال 48 ميجا بيكسل قويه جدا وبتطلع صوره جميله جدا.

• اداء الموبايل حلو جدا وجيد كمان فالالعاب.

• البصمة سريعه الاستجابه.

• الموبايل جاى بفتحه 3.5mm .

• بطاريه الموبايل ال 4000 اللى هتصمد معاك مع الاستخدام الشاق وخصوصا مع الشحن السريع .

• الصوت يدعم تقنيه ال dolby atmos.

• الموبايل جاى بمنفذ Type-c . 

- العيوب :

• سعر الموبايل غالى على امكانياته فظل وجود منافس زى Realme XT  .

• لاتوجد لمبه اشعارات .

• اداء كاميرا الوايد انجل مكنش قد المتوقع.

• لايدعم تصوير الفيديو بجوده 4K.

ونتمنى طبعا ان oppo تتوفق فتسعير الجهاز عشان ينافس الوحوش اللى هتنزل فالفتره الجايه ....

وللاسف oppo متوفقتش خالص فالسعرمن ناحيه منافسه باقى الشركات ...

بس طبعا لو قارنت الجهاز ب oppo f11 pro فالتطور كبير ومفيش اختلاف فالسعر ..